澳職：水手獅吼難兄難弟追半和_東方日報

今日澳職戲碼，中岸水手主場迎戰布里斯班獅吼。雖然兩隊仲有機會爭入季後賽，但都只係數字上嘅可能，兩軍近況同樣極差，今場未必分到勝負，考慮到獅吼近5場4次開半場和，捧半場和啱數。（無綫82台周五下午5時35分直播）文:邪神

兩隊近況一樣咁頹
中岸水手現時排第9，落後第6位嘅墨爾本城4分，常規賽得番3輪，表面睇仲有機會打入前6，不過佢哋之後2場要作客榜首雙雄奧克蘭ＦＣ同紐卡素噴射機，想後上入季後賽機會唔大。作客嘅獅吼少3分排喺第10，入季後賽機會更低，睇埋近況就更唔開胃，近9場4和5負未贏過，今場再輸肯定無緣季後賽，成班波等收咧，但求半場唔輸「交差」，所以近期開咁多半場和。

不過水手想贏亦未必咁易，佢哋近6場僅贏1場，近4場2和2負未贏過，近3場主場和晒，有2場開半場和，今場「難兄難弟」，半場和機會高唱入雲。